log

jazbaat bechtey log,ek roti k tukdey ki talaash mein

sisakte huey log,taraste do boond paani ko

dikhte hain mujhe apni aankhon se har jagah



ek muskurahat k intezaar mein baitha koi

sardi ki raaton mein jalti hui chand lakdiyon k paas

mitaane ki koshish karta us thand ko



tyre se khuchla hua fool,chap gaya hai jaise sadak pe

na mahek na kaaya hai na rang hai baaki

jeeney ki aas mein martey huey se log



kuch bhoolte kuch yaad karte log

ajab gajab se rangon mein khud k chehre ka dard

chipaane ki koshish mein andhey hain log




raat k andhere mein,jaam takraatey log

bhulane ki koshish aur yaad karte log

kabhi girte kabhi ladkhate huey log



safal hone k liye,khud k usulon ko neelaam karte log

bhaag rahe hain idhar se udhar,udhar se idhar

ki do ghadi ka sukoon paa sakein woh log



jhooth bolte log,dhokha dete log,

zinda rehkar bhi laash jaise log

insaano k bhes mein jaanwaron jaise log



khoon peetey apno ka,rulate tod k unke sapno ko

bachcho ko daraatey huey log

insaan khareedtey aur bechte log



is bheed mein sabko dekhti woh aankhein

maasoom se sawaalon se bhari hui sochti


kyun banaye bhagwan ne ye log


kyun banaye bhagwan ne ye log